Дармакаја Јога Центар

Откако почнав да вежбам јога се препородив! Вежбам дома преку интернет бидејќи живеам во Загреб и со години живеам стресен живот затоа што работам со секакви луѓе, а и секогаш брзам да направам се' а не оди! Работам во трафика каде што цел ден стојам на нозе и кревам тешки предмети. Откако почнав да вежбам јога животот ми се промени. Прво, чувствувам таков мир во душата што не ми се верува, а второ, телото почна да зборува друг јазик! Прво ми се обликува убаво и ништо не ме боли, кога се будам одморена сум, без болки и со насмевка на лицето. Препорачувам на секого да почне да вежба јога со Љупка затоа што жената така убаво и смирено објаснува со топлина во гласот и задоволство е да ја слушаш и гледаш, те мотивира многу.

Имав малку застој со со јогата поради корона, но сега полека се враќам назад со часовите. Инаку ми се допаѓа периодов што има воведено како мали лекции на крај од часот, некако ми фалеше таков дел покрај вежбањето насочување и ме мотивира повеќе да читам и применувам. Периодот кога престанав да одам на јога некако се оддалечив доста. Сега дури се вратив од Скопје снабдена со литература за јога што ми се виде добра.

Се' повеќе сакам да вежбам и да живеам со јогата 24/7. Мислам дека развивам многу голема свесност за сите работи што ми се случуваат, освестувам како се чувствувам, зошто, што да променам за да ми биде подобро, работам на себе како да се ослободувам од стресот (невработена, две деца, малку помош, малку дружење, пандемија и сл.).Те следам дисциплинирано за се' и те слушам. Концептот на сите часови е одличен. Многу ми значат и предавањата, целото време што го трошиш за да ни ги прошириш видиците и надвор од асаните.Благодарна сум што те имам.

Извежбано доцна синоќа и уште ме држи добра енергија и болките во вратот што ги имав цел ден вчера исчезнаа.Бескрајно благодарна за се што ни даваш и ни подаруваш несебично.Благодарение на тебе живееме посвесно затоа што не учиш да бидеме ментално смирени и присутни сега и тука, да се спознаеме подобро себеси а со тоа и другите околу нас.

Од часовите сум многу задоволна, се чувствувам многу подобро откако вежбам. Можам да кажам дека честите главоболки кои ги имав во минатото, речиси исчезнаа и навистина сум среќна заради тоа. Вежбањето многу ми помага за справување со стресот и релаксација.Многу ми се допаѓаат објаснувањата кои ги давате на крајот на часот. Јогата ја доживувам како учење кое може да биде многу корисно во секојдневниот живот, а особено ги наоѓам корисни јогиските принципи.

Со ќерката вежбаме јога редовно. После короната кај мене (не)флексибилноста на зглобовите се врати како на почетокот, но се трудам да ги правам вежбите во онаа варијанта во која се чувствувам најдобро. Чувствувам голем напредок кога станува збор за примање не баш пријатни информации или учество во разговори на негативни теми кои ни ги наметнува целата оваа ситуација. Многу често на работа кога ќе се започнат негативни разговори се насочувам само кон кафето што го пијам и неговиот вкус и не дозволувам тие муабети да допрат до мене. Скоро секој ден кога одмарам инстинктивно почнувам да се насочувам само кон дишењето и самиот одмор е поефикасен.
Ти благодарам за сите часови што ни ги праќаш и целата твоја ангажираност.

Почнав со јога од мака, дискус хернија во вратниот дел од ‘рбетот, постојано бев со болки и крајно разочарана. Но, за прв пат одлучив да бидам доследна, да издржам и да му дадам команда на моето тело да работи. Вежбав буквално секој ден, некогаш имав големи болки, но едно утро престана да боли. По осум месеци вежбање јога како подарок добив убаво тело со дефинирани мускули, флексибилност, подвижност и енергија, а при тоа загубив 15 килограми и конечно станав ментално посмирена.
Ти благодарам Љупка, те сакам, Алекс

Одлични се часовите и со теоретскиот дел, од лани секој ден вежбам јога освен еден ден во неделата. Со тибетските вежби почнав да слабеам и со поздрав начин на исхрана сега сум 12 килограми ослабена. Во почетокот некои вежби не успевав да ги направам, како на пример свеќата, но малку по малку се ослободив и почнав да ја правам. Со јога нидра си откривам секогаш нова работа за себе. Јогата ми стана секојдневна практика.