- Пронајдете мирно место во домот, доволен е простор колку да можете да легнете. Местото одржувајте го чисто и проветрено; по можност нека биде само за јога.
- Носете лесна, комотна облека во која ќе се чувствувате пријатно, по можност од природни материјали. Облеката нека биде само за јога.
- Вежбајте боси или по чорапи.
- Користете подлога за вежбање (јога мат/чергиче/крпа).
- По потреба, обезбедете си перниче за седење или лежење.
- Вежбајте рано наутро или приквечер.
- Секогаш вежбајте на празен стомак, минимум два часа по оброк. Половина час по вежбањето не јадете и не пијте течности.
- По часот не правете интензивни активности.
- Чувствувајте задоволство, направете од вежбањето мал ритуал само за себе.
- Обидете се да ја задржите свесноста и присутноста сега и тука во вежбите. Чувствувајте се’ што ви се случува додека ја правите вежбата.
- Вежбите правете ги лесно, без напрегање, само колку што ви е пријатно, при секоја непријатност запрете и пробајте да се опуштите.
- Пред и по вежба опуштајте се.
- Бидете свесни дека јогата не е спорт и не се натпреварувајте со себе колку можете да вежбате. Поважно е како, а не колку.
- Бидете свесни дека вежбајќи правите нешто добро за себе.
